COVID-⁠19 Svizra

Infurmaziuns davart la situaziun actuala, stadi dals 15 d’october 2021

La fin d’emna na publitgain nus naginas novas datas.

Vaccinaziuns,Svizra e Liechtenstein

Cas tenor status da vaccinaziun

En Svizra ed en il Principadi da Liechtenstein èn admess actualmain trais vaccins per prevegnir a COVID-⁠19. Tenor la recumandaziun da vaccinaziun dal UFSP/CFV per ils vaccins da Moderna (Spikevax®) e da Pfizer/BioNTech (Comirnaty®) èn necessarias duas dosas dal vaccin e – suenter avair gì cumprovadamain ina infecziun cun SARS-⁠CoV-⁠2 – ina dosa dal vaccin per ina protecziun cumpletta da la vaccinaziun. Per il vaccin da Johnson & Johnson (Covid-⁠19 Vaccine Janssen®) è necessaria in'unica dosa dal vaccin, per valair sco vaccinà cumplettamain. L'efficacitad dals vaccins che stattan a disposiziun en Svizra è fitg gronda. Ils vaccins porschan ina protecziun efficazia cunter infecziuns sintomaticas, particularmain cunter grevs decurs da la malsogna, e minimeschan la ristga da s'infectar. Ma quai n'excluda betg che persunas vaccinadas s'infecteschan er suenter duas dosas dal vaccin, perquai che nagin vaccin na porscha ina protecziun da 100 pertschient.

Las datas davart il stadi da vaccinaziun registrain nus dapi la fin da schaner 2021. Ellas sa basan sin las infurmaziuns che las medias ed ils medis sco er ils ospitals ans han communitgà en il rom da l'obligaziun d'annunzia. En cas d'ospitalisaziuns e da mortoris che stattan en connex cun ina infecziun da SARS-⁠CoV-⁠2 confermada d'in labor, n'ans transmettan els dapi lura betg mo las infurmaziuns clinicas, mabain supplementarmain il status da vaccinaziun.

Tar il dumber dals cas confermads d'in labor faschain nus quint – malgrà la vaccinaziun – cun in dumber zuppà pli aut che tar las indicaziuns davart las persunas ospitalisadas e davart ils mortoris. Ils motivs èn: persunas vaccinadas che n'han nagins u mo levs sintoms, van pli darar tar ina media u in medi, en in center da test u en in'apoteca. Da quellas persunas che sa laschan testar en centers da test u en apotecas, survegnin nus mo l'annunzia dal resultat dal labor. L'annunzia na cuntegna però naginas infurmaziuns davart il status da vaccinaziun. Ella sto succeder supplementarmain sur in'annunzia clinica che vegn transmessa en emprima lingia tras medias e medis e tras ospitals.

Las incidenzas vegnan inditgadas per 100 000 abitantas ed abitants cun il status da vaccinaziun respectiv «vaccinà cumplettamain», «vaccinà parzialmain» e «betg vaccinà».

Cun giuditgar ils cas tenor il status da vaccinaziun resguardai per plaschair che – tenor la strategia da vaccinar – persunas attempadas e persunas spezialmain periclitadas èn sa laschadas vaccinar pli baud.

Svilup temporal tenor status da vaccinaziun

Mortoris tenor status da vaccinaziun, Svizra e Liechtenstein, dals 27.01.2021 fin ils 14.10.2021

La preschentaziun mussa il svilup temporal dals mortoris confermads d'in labor ed annunziads, e quai tenor il status da vaccinaziun en Svizra ed en il Principadi da Liechtenstein.
Sco «vaccinadas cumplettamain» valan quellas persunas che han survegnì las dosas dal vaccin ch'èn necessarias tenor la UFSP/CFV - Recumandaziun da vaccinaziun (per exempel er quellas persunas che han gì ina infecziun da SARS-⁠CoV-⁠2 e che han survegnì silsuenter ina dosa dal vaccin).
Sco «vaccinadas parzialmain» valan quellas persunas che han survegnì ina dosa dal vaccin da Moderna (Spikevax®) u da Pfizer/BioNTech (Comirnaty®) e che n'han betg gì ordavant ina infecziun da SARS-⁠CoV-⁠2.
Sco «betg vaccinadas» valan las persunas senza vaccinaziun cunter COVID-⁠19.
Sut «nunenconuschent» figureschan persunas che han in status da vaccinaziun betg documentà u che han l'indicaziun dal status da vaccinaziun «nunenconuschent».

Pervia da l'auta quota d'annunzias senza indicaziun davart il status da vaccinaziun ston las cifras davart ils cas tenor status da vaccinaziun vegnir interpretadas cun precauziun fin il cumenzament da fanadur 2021.

Mortoris tenor status da vaccinaziun
Media da 7 dis:
Vaccinà cumplettamain
Vaccinà per part
Betg vaccinadas
Nunenconuschent
Mortoris
Quota d'annunzias cun indicaziun dal status da vaccinaziun
Populaziun tenor status da vaccinaziun
Vaccinà cumplettamain
Vaccinà per part
Betg vaccinadas
Quota da persunas
Cundivider
covid19.admin.ch
Funtauna: UFSP – Stadi: 15.10.2021, 07.43h

Svilup temporal tenor vaccins

Mortoris tenor status da vaccinaziun, Svizra e Liechtenstein, dals 27.01.2021 fin ils 14.10.2021

La preschentaziun mussa il svilup temporal dals mortoris confermadas d'in labor e classifitgadas tenor status da vaccinaziun en Svizra ed en il Principadi da Liechtenstein.
Las datas che vegnan preschentadas qua sa basan sin las infurmaziuns che vegnan transmessas a nus da las medias e dals medis sco er dals ospitals en il rom da lur obligaziun d'annunzia. Ellas na permettan betg da far ina cumparegliaziun formala da l'efficacitad dals vaccins. L'interpretaziun da questas datas vegn limitada da blers facturs. Tals èn la perioda da l'integraziun dals vaccins respectivs en la strategia da vaccinar, la vaccinaziun cumplessiva en las differentas gruppas specificas en mira u la dominanza d'ina varianta dal virus ad in tschert mument.

Pervia da l'auta quota d'annunzias senza indicaziun davart il status da vaccinaziun ston las cifras davart ils cas tenor status da vaccinaziun vegnir interpretadas cun precauziun fin il cumenzament da fanadur 2021.

Mortoris tenor status da vaccinaziun e tenor vaccins
Media da 7 dis:
Moderna (Spikevax®), vaccinà cumplettamain
Pfizer/BioNTech (Comirnaty®), vaccinà cumplettamain
Johnson & Johnson (COVID-⁠19 Vaccine Janssen®), vaccinà cumplettamain
Betg vaccinadas
Mortoris
Populaziun tenor status da vaccinaziun e tenor vaccins
Moderna (Spikevax®), vaccinà cumplettamain
Pfizer/BioNTech (Comirnaty®), vaccinà cumplettamain
Johnson & Johnson (COVID-⁠19 Vaccine Janssen®), vaccinà cumplettamain
Moderna (Spikevax®), vaccinà per part
Pfizer/BioNTech (Comirnaty®), vaccinà per part
Betg vaccinadas
Quota da persunas
Cundivider
covid19.admin.ch
Funtauna: UFSP – Stadi: 15.10.2021, 07.43h

Demografia tenor status da vaccinaziun

Mortoris tenor status da vaccinaziun, Svizra e Liechtenstein, dals 25.01.2021 fin ils 10.10.2021

La preschentaziun mussa la distribuziun dals mortoris confermads d'in labor, e quai tenor classas da vegliadetgna cun il status da vaccinaziun respectiv.
Repartiziun tenor classa da vegliadetgna
Vaccinà cumplettamain
Vaccinà per part
Betg vaccinadas
Nunenconuschent
Mortoris
Cundivider
covid19.admin.ch
Funtauna: UFSP – Stadi: 15.10.2021, 07.43h