COVID-⁠19 Svizra

Infurmaziuns davart la situaziun actuala, stadi dals 6 da december 2022

Las cifras-⁠clav vegnan actualisadas mintgamai il mardi a las 15:30.

Vaccinaziuns,Svizra

Cas tenor status da vaccinaziun

En Svizra ed en il Principadi da Liechtenstein èn admess differents vaccins per prevegnir a COVID-⁠19. Ina vaccinaziun da rinfrestgament cun in vaccin mRNA da Moderna (Spikevax® u Spikevax Bivalent Original/Omicron) u da Pfizer/BioNTech (Comirnaty® u Comirnaty Bivalent Original/Omicron) sco er cun il vaccin da Novavax (Nuvaxovid®) vegn recumandada a persunas da 16 onns e dapli il pli baud 4 mais suenter l'ultima vaccinaziun u suenter ina infecziun.

L'efficacitad dals vaccins che stattan a disposiziun en Svizra è fitg gronda. Els porschan ina tscherta protecziun cunter infecziuns sintomaticas sco er asintomaticas e minimeschan la ristga da transmetter il virus. En spezial porschan ils vaccins ina protecziun efficazia cunter grevs decurs da la malsogna. Quai n'excluda dentant betg, che persunas vaccinadas (cun u senza vaccinaziun da rinfrestgament) pon s'infectar e daventar malsaunas, perquai che nagin vaccin na porscha ina protecziun cumplaina.

Las datas davart il stadi da vaccinaziun registrain nus dapi la fin da schaner 2021. Ellas sa basan sin las infurmaziuns che las medias ed ils medis sco er ils ospitals ans han communitgà en il rom da l'obligaziun d'annunzia. En cas d'ospitalisaziuns e da mortoris en connex cun ina infecziun da SARS-⁠CoV2, ch'è confermada d'in labor, cuntegnan questas datas er las infurmaziuns clinicas ed il status da vaccinaziun.
Las indicaziuns davart l'incidenza vegnan fatgas per 100 000 abitantas ed abitants cun il status da vaccinaziun respectiv. La calculaziun da la quota da persunas sa referescha mintgamai a la populaziun totala.

Cun giuditgar ils cas tenor status da vaccinaziun stoi vegnir resguardà, che las persunas pli attempadas e las persunas spezialmain periclitadas han sa laschà vaccinar pli baud pervia da la strategia da vaccinar, e che la prontadad da sa laschar vaccinar è dependenta da la ristga individuala per in grev decurs da la malsogna. Da nov po la perioda giavischada vegnir selecziunada cun il reglader sut la grafica.

Svilup temporal tenor status da vaccinaziun

Ospitalisaziuns tenor status da vaccinaziun, Svizra, dals 05.09.2022 fin ils 27.11.2022

La preschentaziun mussa il svilup temporal da las ospitalisaziuns confermadas d'in labor ed annunziadas, e quai tenor il status da vaccinaziun en Svizra ed en il Principadi da Liechtenstein.

«Cun vaccinaziun ils ultims 6 mais» èn manegiadas persunas che han survegnì ina dosa dal vaccin durant ils ultims 6 mais.
«Cun vaccinaziun avant passa 6 mais» èn manegiadas persunas che han survegnì ina dosa dal vaccin avant passa 6 mais. Quai cumpiglia er persunas, tar las qualas la data da l'ultima vaccinaziun manca.
Sco «betg vaccinadas» valan las persunas senza vaccinaziun cunter COVID-⁠19.
Sut «nunenconuschent» figureschan persunas che han in status da vaccinaziun betg documentà u che han l'indicaziun dal status da vaccinaziun «nunenconuschent».
Cun vaccinaziun avant passa 6 mais
Cun vaccinaziun ils ultims 6 mais
Betg vaccinadas
Nunenconuschent
Las datas èn disponiblas mo per la Svizra e per il Liechtenstein
Cundivider
covid19.admin.ch
Funtauna: UFSP – Stadi: 06.12.2022, 06.08h
Svilup istorica

Scuvri il svilup dals cas tenor status da vaccinaziun esser 05.09.2022.

Cas tenor status da vaccinaziun