COVID-19 Svizra
Infurmaziuns davart la situaziun actuala, stadi dals 17 da matg 2022
Demografia tenor status da vaccinaziun
Ospitalisaziuns tenor status da vaccinaziun, Giura, dals 25.01.2021 fin ils 08.05.2022
La preschentaziun mussa la distribuziun da las ospitalisaziuns confermads d'in labor, e quai tenor classas da vegliadetgna cun il status da vaccinaziun respectiv.
En Svizra ed en il Principadi da Liechtenstein èn admess actualmain trais vaccins per prevegnir a COVID-19. Tenor la recumandaziun da vaccinaziun dal UFSP/CFV per ils vaccins da Moderna (Spikevax®) e da Pfizer/BioNTech (Comirnaty®) èn necessarias duas dosas dal vaccin e – suenter avair gì cumprovadamain ina infecziun cun SARS-CoV-2 – ina dosa dal vaccin per ina protecziun cumpletta da la vaccinaziun. Per il vaccin da Johnson & Johnson (Covid-19 Vaccine Janssen®) è necessaria in'unica dosa dal vaccin, per valair sco vaccinà cumplettamain. Persunas ch’èn vaccinadas cumplettamain cunter COVID-19, ma che n’han anc betg laschà rinfrestgar la vaccinaziun, valan vinavant sco persunas vaccinadas cumplettamain. L'efficacitad dals vaccins che stattan a disposiziun en Svizra è fitg gronda. Ils vaccins porschan ina protecziun efficazia cunter infecziuns sintomaticas, particularmain cunter grevs decurs da la malsogna, e minimeschan la ristga da s'infectar. I n’è però betg exclus che persunas ch’èn vaccinadas cumplettamain (cun u senza rinfrestgament da la vaccinaziun) pon s’infectar, perquai che nagin vaccin porscha ina protecziun da 100 pertschient.
Las datas davart il stadi da vaccinaziun registrain nus dapi la fin da schaner 2021. Ellas sa basan sin las infurmaziuns che las medias ed ils medis sco er ils ospitals ans han communitgà en il rom da l'obligaziun d'annunzia. En cas d'ospitalisaziuns e da mortoris che stattan en connex cun ina infecziun da SARS-CoV-2 confermada d'in labor, n'ans transmettan els dapi lura betg mo las infurmaziuns clinicas, mabain supplementarmain il status da vaccinaziun.
Las incidenzas èn inditgadas per 100 000 abitantas ed abitants cun il status da vaccinaziun correspundent («vaccinà cumplettamain», «vaccinadas cumplettamain cun vaccinaziun da rinfrestgament», «vaccinà parzialmain» e «betg vaccinà»). La calculaziun da la part da las persunas sa referescha mintgamai a l’entira populaziun.
Cun giuditgar ils cas tenor il status da vaccinaziun resguardai per plaschair che – tenor la strategia da vaccinar – persunas attempadas e persunas spezialmain periclitadas èn sa laschadas vaccinar pli baud.
Las datas davart il stadi da vaccinaziun registrain nus dapi la fin da schaner 2021. Ellas sa basan sin las infurmaziuns che las medias ed ils medis sco er ils ospitals ans han communitgà en il rom da l'obligaziun d'annunzia. En cas d'ospitalisaziuns e da mortoris che stattan en connex cun ina infecziun da SARS-CoV-2 confermada d'in labor, n'ans transmettan els dapi lura betg mo las infurmaziuns clinicas, mabain supplementarmain il status da vaccinaziun.
Las incidenzas èn inditgadas per 100 000 abitantas ed abitants cun il status da vaccinaziun correspundent («vaccinà cumplettamain», «vaccinadas cumplettamain cun vaccinaziun da rinfrestgament», «vaccinà parzialmain» e «betg vaccinà»). La calculaziun da la part da las persunas sa referescha mintgamai a l’entira populaziun.
Cun giuditgar ils cas tenor il status da vaccinaziun resguardai per plaschair che – tenor la strategia da vaccinar – persunas attempadas e persunas spezialmain periclitadas èn sa laschadas vaccinar pli baud.
Las datas èn disponiblas mo per la Svizra e per il Liechtenstein