COVID-19 Svizra
Infurmaziuns davart la situaziun actuala, stadi dals 27 da settember 2022
Las cifras-clav vegnan actualisadas mintgamai il mardi a las 15:30.
Vaccinaziuns,Appenzell Dadora
Persunas vaccinadas tenor chantun da domicil
Las datas publitgadas qua sa basan sin infurmaziuns ch'ils chantuns ed il Principadi da Liechtenstein ans annunzian regularmain. Quellas publitgain nus mintgamai il mardi. Perquai pon ellas divergiar da las datas communitgadas dals chantuns e dal Liechtenstein. Las cifras resguardan ils vaccins da tut ils producents.
En Svizra ed en il Principadi da Liechtenstein èn admess trais vaccins per prevegnir a COVID-19. Sco cumplettamain vaccinadas valan las persunas che han survegnì duas dosas dals vaccins Moderna (Spikevax®) u da Pfizer/BioNTech (Comirnaty®) sco er las persunas ch'èn cumprovadamain guaridas d'ina infecziun cun SARS-CoV-2 e che han survegnì ina dosa da quests vaccins. Tar il vaccin da Johnson & Johnson (Covid-19 Vaccine Janssen®) dovri mo ina dosa dal vaccin (recumandaziun da vaccinaziun dal UFSP/CFV).
A tut las persunas sur 12 onns (12–30 onns exclusivamain resp. da preferenza cun Comirnaty®) vegni recumandà da rinfrestgar la vaccinaziun cun in vaccin mRNA da Moderna (Spikevax®) e da Pfizer/BioNTech (Comirnaty®) a partir da quatter mais suenter ina vaccinaziun cumpletta (immunisaziun da basa). Persunas vaccinadas cumplettamain che han laschà rinfrestgar la vaccinaziun tenor la recumandaziun dal UFSP/CFV èn inditgadas separadamain. La quota da persunas vaccinadas sa referescha a l'entira populaziun u a la classa da vegliadetgna respectiva. Las persunas vaccinadas vegnan attribuidas al chantun, nua ch'ellas abitan (chantun da domicil). Ulteriuras infurmaziuns chattais Vus sin la pagina d'internet dal UFSP > Coronavirus: Vaccin.
Las infurmaziuns davart effects nungiavischads da la vaccinaziun (ENV) vegnan registradas sur il sistem d'annunzias spontanas da Swissmedic. Swissmedic examinescha e valitescha las annunzias dals effects secundars ch'èn vegnidas registradas. Infurmaziuns detagliadas èn publitgadas sin la pagina d'internet da Swissmedic.
Ils chantuns ed il Principadi da Liechtenstein ans furneschan las datas sin ina via electronica segira. I sa tracta da datas singulas anonimisadas.
Repartiziun geografica
Persunas vaccinadas tenor chantun da domicil, Appenzell Dadora, Stadi: 26.09.2022
Las classas da vegliadetgna inditgadas correspundan a la strategia da vaccinar cunter COVID-19.
Svilup temporal
Persunas vaccinadas, Appenzell Dadora, dals 21.12.2020 fin ils 26.09.2022
Total: Las surfatschas mussan la relaziun cumulativa da las persunas vaccinadas parzialmain e cumplettamain fin a la data correspundenta.
Media da 7 dis: Las lingias mussan – en la media da 7 dis (media davent da 3 dis avant fin 3 dis suenter) – il svilup da las persunas che han survegnì ina emprima dosa dal vaccin sco er las persunas vaccinadas cumplettamain.
Valurs dal di: La preschentaziun mussa las persunas che han survegnì quel di l'emprima dosa dal vaccin sco er las persunas vaccinadas cumplettamain. Las lingias mussan la media movibla da 7 dis (media davent da 3 dis avant fin 3 dis suenter).
Svilup temporal tenor vaccins
Persunas vaccinadas cumplettamain, Appenzell Dadora, dals 21.12.2020 fin ils 26.09.2022
Demografia
Persunas vaccinadas, Appenzell Dadora, dals 21.12.2020 fin ils 26.09.2022
Repartiziun tenor classa da vegliadetgna
Appenzell Dadora
0–9
0,02%
2,08%
0,37%
10–19
11,64%
39,02%
1,09%
20–29
23,90%
59,11%
0,80%
30–39
29,92%
60,27%
0,65%
40–49
40,69%
68,67%
0,66%
50–59
47,64%
71,48%
0,35%
60–69
62,65%
81,81%
0,49%
70–79
69,24%
88,09%
1,02%
80+
62,48%
94,08%
2,82%
Gruppas da ristga en cumparegliaziun cun autras persunas
Persunas vaccinadas cumplettamain, Appenzell Dadora, dals 21.12.2020 fin ils 25.09.2022
La strategia da vaccinar cunter COVID-19 priorisescha persunas tenor gruppas da ristga (gruppas en mira 1 fin 4) e tut las autras persunas (gruppa en mira 5). Tar las gruppas da ristga tutgan persunas cun ina ristga pli gronda d'in decurs gravant da la malsogna, d'ina infecziun u d'ina transmissiun. Il persunal che dat la vaccinaziun verifitgescha l'appartegnientscha a la gruppa respectiva.
Valurs da 7 dis: las travs mussan la proporziun per emna.
Total: Las surfatschas mussan la proporziun cumulativa fin a la data correspundenta. La proporziun po vegnir mussada sco quotas da las «persunas vaccinadas cumplettamain» u en relaziun cun l'entira populaziun.
Pervia d'arrundaments matematics poi esser che la summa dals pertschients n'è betg exactamain 100 %.
Indicaziun davart la vaccinaziun
Persunas vaccinadas cumplettamain, Appenzell Dadora, dals 21.12.2020 fin ils 25.09.2022
La grafica mussa il dumber da las persunas vaccinadas cumplettamain dadas tenor indicaziuns davart la vaccinaziun. «Autras» sa referescha a tut las persunas che n'appartegnan betg a las gruppas da ristga tenor la strategia da vaccinar cunter COVID-19.