COVID-⁠19 Svizra

Obligaziun da quarantina per persunas che vegnan en Svizra

Entrada en Svizra: Tgi che na po – suenter in segiurn en in stadi u en in territori cun ina varianta dal virus preoccupanta – betg cumprovar ina vaccinaziun cumpletta u ina infecziun cun COVID-⁠19 guarida durant ils ultims 6 mais, sto ir en quarantina. Las indicaziuns davart quests stadis e territoris chattais Vus sin questa pagina.

Tut las persunas che entran en Svizra ston resguardar las mesiras sanitaras da cunfin da la Svizra. Tge mesiras che valan per Vus, As mussa il Travelcheck interactiv.

Partenza da la Svizra: S'infurmai avant Voss viadi directamain tar il pajais da destinaziun davart las cundiziuns d'entrada respectivas. Ulteriuras infurmaziuns chattais Vus sin la pagina d'internet dal UFSP > Infurmaziuns davart viadis a l'exteriur.