COVID-19 Svizra
Infurmaziuns davart la situaziun actuala, stadi dals 28 da november 2023
Las cifras-clav vegnan actualisadas mintgamai il mardi a las 15:30.
Il dashboard COVID-19 na vegn betg pli actualisà suenter ils 28-11-2023. A partir d’immediat chattais Vus las datas e las illustraziuns en connex cun COVID-19, cun influenza e cun auters patogens respiratorics sin il portal d’infurmaziun davart las malsognas transmissiblas.
Capacitads dals ospitals,Svizra
Staziuns intensivas (SI)
Las capacitads dals passa 150 ospitals, chasas e clinicas en Svizra eruescha il Servetsch sanitar coordinà (SSC) sur il sistem d’infurmaziun e d’acziun (SIA). Il SSC e l’armada elavuran e communitgeschan questas cifras. Il UFSP, la Societad svizra da medischina intensiva (SGI-SSMI), l’associaziun H+ Ils ospitals da la Svizra ed il SSC han fixà quai cuminaivlamain. La medischina intensiva basegna differents apparats tecnicamain fitg cumplexs (staziuns intensivas) e pretenda ina tgira cumplessiva tras teams spezialisads. La perioda giavischada vegnir po selecziunada cun il reglader sut la grafica.
Occupaziun en pertschient
Staziuns intensivas (SI), Svizra, 01.05.2023
Il Gremi da coordinaziun sanitar (GCSAN) ed il Servetsch sanitar coordinà (SSC) han decidì da sistir l’annunzia obligatorica da las capacitads dals ospitals per il 01-05-2023. Las datas na vegnan betg pli actualisadas sin il dashboard Covid-19.
Staziuns intensivas (SI), Svizra
Occupaziun: 71,7%
| COVID-19 | 12 | 1,5% |
|---|---|---|
| Betg COVID-19 | 574 | 70,3% |
| Letgs libers | 231 | 28,3% |
| Total | 817 | 100% |
Svilup temporal da l'occupaziun
Staziuns intensivas (SI), Svizra, dals 30.03.2020 fin ils 01.05.2023
Il Gremi da coordinaziun sanitar (GCSAN) ed il Servetsch sanitar coordinà (SSC) han decidì da sistir l’annunzia obligatorica da las capacitads dals ospitals per il 01-05-2023. Las datas na vegnan betg pli actualisadas sin il dashboard Covid-19.
Letgs certifitgads e letgs ad hoc
Staziuns intensivas (SI), Svizra, dals 30.03.2020 fin ils 01.05.2023
Il dumber da «letgs certifitgads» correspunda a staziuns intensivas occupadas dal tuttafatg. Variaziuns da quest dumber a curta vista resultan pervia d'annunzias mancantas. Las variaziuns n'han naginas consequenzas per il provediment da las pazientas e dals pazients. Ils ospitals pon decider libramain, sch'els vulan metter en funcziun tuts u mo ina part da lur letgs certifitgads, uscheditg ch'els occupan – en la media annuala – almain 60 pertschient dals letgs certifitgads.
«Letgs ad hoc» èn plazzas da tractament supplementaras ordaifer las localitads certifitgadas. Las pazientas ed ils pazients vegnan tgirads cun agid d'auter persunal spezialisà da secturs sco per exempel l'anestesia. Il dumber correspunda als letgs intensivs ch'èn vegnids annunziads dals ospitals e ch'èn actualmain en funcziun, che n'èn dentant betg certifitgads. Letgs ad hoc dastgan vegnir mess en funcziun mo en cas da catastrofas u en cas d'autras situaziuns extraordinarias. Sch'in ospital metta en funcziun letgs ad hoc ordaifer ina tala situaziun, perda la staziun intensiva respectiva sia certificaziun.
Il «total da letgs en funcziun» sa cumpona da la summa dals letgs certifitgads en funcziun e dals letgs ad hoc en funcziun. I sa tracta dals letgs ch'èn vegnids annunziads dals ospitals e che sa chattan sin las staziuns intensivas, nua che las pazientas ed ils pazients pon vegnir tractads dal persunal spezialisà qualifitgà disponibel sco er d'auter persunal, e quai sco cumbinaziun da servetsch da squadra e d'engaschaments spezials.
Las valurs annunziadas dals ospitals restan valaivlas per maximalmain 7 dis.
Il Gremi da coordinaziun sanitar (GCSAN) ed il Servetsch sanitar coordinà (SSC) han decidì da sistir l’annunzia obligatorica da las capacitads dals ospitals per il 01-05-2023. Las datas na vegnan betg pli actualisadas sin il dashboard Covid-19.