COVID-19 Svizra
Infurmaziuns davart la situaziun actuala, stadi dals 6 da zercladur 2023
Las cifras-clav vegnan actualisadas mintgamai il mardi a las 15:30.
Curs epidemiologic,Uri
Chargia virala en l'aua persa
Las datas publitgadas qua sa basan sin infurmaziuns dal monitoring naziunal da l'aua persa da la Confederaziun. Dapi il schaner 2022 registrescha il monitoring naziunal da l'aua persa da la Svizra e dal Principadi da Liechtenstein en intervals regulars la chargia virala da SARS-CoV-2 en l'aua persa da sereneras (ARAs).
Las provas da l'aua persa en las sereneras vegnan prendidas trais fin sis giadas per emna. La chargia virala absoluta (copias geneticas/di) vegn inditgada per 100 000 abitantas ed abitants. In factur da rarificaziun sin basa dal volumen da deflussiun da la serenera vegn resguardà, per exempel en cas da periodas da sitgira. La chargia virala relativa è la cumpart da la chargia virala mesirada (copias geneticas/di) en relaziun cun la valur maximala istorica mesirada. La cumpart da la chargia virala relativa vegn calculada cun divider la cumpart da la chargia virala absoluta tras la cumpart da la valur maximala istorica da la chargia virala. La populaziun vegn registrada en l'intschess respectiv da la serenera (ARA). Las variaziuns stagiunalas da la populaziun betg permanenta che influenzeschan la chargia virala oravant tut en ils territoris turistics frequentads fermamain, na vegnan betg resguardadas. Las sereneras che na sa participeschan betg pli al project na vegnan betg resguardadas tar la calculaziun da la cumpart da la chargia virala per categoria. Las valurs da mesiraziun istoricas pon però vegnir consultadas vinavant sur il svilup temporal.
Infurmaziuns detagliadas davart la metoda da mesiraziun e davart la terminologia stattan a disposiziun sin la pagina d'internet da Eawag. En consequenza da novas enconuschientschas poi dar adattaziuns tar la calculaziun da las datas. En cas singuls sa reducescha la cumparegliabladad cun las datas registradas precedentamain, sche la prelevaziun da las provas e la metoda da labor vegnan adattadas. Quai pertutga la serenera da Burgdorf (adattaziun da la prelevaziun da las provas per ils 23-08-2022) sco er las sereneras dad Aarau, Aarburg, Appenzell (Boedeli), Baden, Bremgarten, Brugg, Hallau (Klettau), Kaisten, Lenzburg, Neuhausen am Rheinfall (Roeti), Ramsen (Bibertal-Hegau), Wohlen e Zofingen (adattaziun da la metoda da labor per ils 30-10-2022). La perioda giavischada po vegnir selecziunada cun il reglader sut la grafica.
Repartiziun geografica
Chargia virala en l'aua persa, Uri, dals 07.02.2022 fin ils 05.06.2023
Repartiziun geografica en il decurs dal temp
Scuvri il svilup da la chargia virala en l'aua persa en differentas sereneras da la Svizra e Liechtenstein.
Scuvrir ussaSvilup temporal
Datas disponiblas per singulas ARA
Tschertga tenor ARA