COVID-⁠19 Svizra

Infurmaziuns davart la situaziun actuala, stadi dals 19 da schaner 2022

Curs epidemiologic,Giura

Variantas dal virus

Las datas che nus publitgain sa basan sin annunzias da laboratoris che sequenzieschan il material dal virus u che al examineschan sistematicamain sin mutaziuns. Ils resultats da las examinaziuns vegnan registrads via noss sistem d'annunzia e via in program da surveglianza naziunal da SARS-⁠⁠CoV-⁠⁠2. Perquai pon ellas divergiar da las datas communitgadas dals chantuns e dal Liechtenstein.

Il nov coronavirus (SARS-⁠CoV-⁠2) che chaschuna la malsogna transmissibla COVID-⁠19, sa transfurma cuntinuadamain tras mutaziuns en ses genom (modificaziun dals gens). Cun agid da questas mutaziuns pon vegnir determinadas e classifitgadas variantas dal virus. La gronda part da las mutaziuns han mo consequenzas minimalas u n'ha schizunt naginas consequenzas sin las caracteristicas dal virus.Intginas variantas da SARS-⁠CoV-⁠2 sa caracteriseschan tras transfurmaziuns dals agents patogens che pon influenzar la situaziun epidemiologica per exempel cun esser pli contagiusas, cun chaschunar in decurs pli grev da la malsogna u cun guntgir la resposta immunitara malgrà ina infecziun passentada u malgrà ina vaccinaziun (evasiun immunitara). Per la gronda part da las variantas dal virus enconuschentas exista, en cas d'ina vaccinaziun cumpletta, vinavant ina gronda protecziun cunter grevs decurs da la malsogna. Per singulas variantas n'èn anc betg avant maun enconuschientschas definitivas.

La WHO ha classifitgà singulas variantas sco VOC (variants of concern; rumantsch: variantas preoccupantas) e sco VOI (variants of interest; rumantsch: variantas d'interess). Questas variantas dal virus vegnan observadas spezialmain. En Svizra ed en il Principadi da Liechtenstein po la classificaziun da las variantas dal virus divergiar da quella da la WHO. Expertas ed experts evalueschan regularmain las enconuschientschas las pli novas davart las variantas dal virus enconuschentas e novas e valiteschan l'influenza potenziala da las variantas dal virus en circulaziun sin la situaziun epidemiologica en Svizra ed en il Principadi da Liechtenstein.

Survista da variantas dal virus relevantas

Variantas dal virus cumprovadas, Giura, dals 28.09.2020 fin ils 19.01.2022

Ils labors ans annunzian ils resultats da l'uschenumnada analisa da las variantas specifica per in cas sur il sistem d'annunzia obligatoric. L'analisa da las variantas cuntegna l'analisa exacta da singulas mutaziuns u il sequenziament parzial respectivamain cumplet dal genom. La surveglianza sistematica da las variantas dal virus en circulaziun sa basa sin il sequenziament sistematic e cumplet dal genom d'ina prova da controlla represchentativa. A maun da las datas po vegnir stimada la quota da las singulas variantas dal virus. Supplementarmain pon vegnir identifitgadas variantas ch'eran fin ussa nunenconuschentas. La tabella mussa il dumber cumulativ da las variantas ch'èn cumprovadas en Svizra ed en il Principadi da Liechtenstein.

Sistem d'annunzia: Ils resultats da l'analisa da variantas specifica tenor cas vegnan annunziads a nus via il sistem d'annunzia. Analisas da cas specifics cumpiglian u l'examinaziun sistematica da singulas mutaziuns u in sequenziament parzial resp. cumplet dal genom. Las datas vegnan relevadas principalmain en il rom da scleriments sistematics (per exempel en connex cun examinaziuns d'erupziuns, cas malgrà ina vaccinaziun cumpletta e reinfecziuns). Per quest motiv sa tracti da provas da controlla betg relevadas a moda represchentativa.

Surveglianza: Ils resultats da la surveglianza sa basan sin il sequenziament cumplet dal genom da SARS-⁠CoV-⁠2. En il rom da la surveglianza sequenziescha in laboratori provas da controlla casualas da provas da SARS-⁠CoV-⁠2 positivas. Questa metoda dat ina survista represchentativa per l'entir territori da las variantas dal virus che circuleschan actualmain. Las datas permettan da stimar la part da las singulas variantas dal virus. Ultra da quai èsi pussaivel d'identifitgar variantas fin ussa nunenconuschentas.

Variantas Sistem d'annunzia Surveglianza
B.1.1.529 – Omicron

Tenor la classificaziun da la WHO, en Svizra ed en il Principadi da Liechtenstein vala questa varianta dal virus sco preoccupanta (VOC). Per questa varianta n'existan anc naginas enconuschientschas validadas davart las caracteristicas da ses agents patogens. A maun da sias mutaziuns vegni supponì che la transmissibladad saja augmentada e che la protecziun immunitara saja reducida. Uschia pudess exister la ristga d'ina nova infecziun e d'ina eventuala protecziun reducida da la vaccinaziun. Medemamain pudessan las mutaziuns augmentar la transmissibladad. Omicron è vegnì cumprovà per l'emprima giada il november 2021 en Botsuana ed en l'Africa dal Sid.

Sistem d'annunzia

30

Surveglianza

-
B.1.617.2, tut las sutvariantas AY – Delta

Il num Delta sa referescha a la famiglia da las variantas B.1.617.2 e da tut las sutvariantas AY. Tenor la classificaziun da la WHO vala questa famiglia da variantas dal virus sco preoccupanta (VOC), perquai ch'igl exista ina ristga da s'infectar pli gronda, perquai ch'ella po chaschunar grevs decurs da la malsogna e perquai ch'ella posseda qualitads immunevasivas. Uschia resulta er la ristga d'ina nova infecziun e d'ina eventuala protecziun reducida da la vaccinaziun. Delta è vegnida cumprovada per l'emprima giada l'october 2020 en l'India. Dapi la fin da zercladur 2021 è questa famiglia da variantas la pli frequenta en Svizra ed en il Principadi da Liechtenstein. En quests territoris na vegn ella dapi mez avust 2021 perquai betg pli classifitgada sco varianta preoccupanta.

Sistem d'annunzia

41

Surveglianza

-
P.1 – Gamma

Tenor la classificaziun da la WHO vala questa varianta dal virus sco preoccupanta (VOC), perquai ch'ella po chaschunar in grev decurs da la malsogna e perquai ch'ella posseda qualitads immunevasivas. Uschia exista la ristga d'ina nova infecziun e d'ina eventuala protecziun reducida da la vaccinaziun. Gamma è vegnida cumprovada per l'emprima giada il november 2020 en Brasilia. Perquai ch'ella n'ha actualmain nagina influenza sin la situaziun epidemiologica en Svizra ed en il Principadi da Liechtenstein, na vegn ella dapi il cumenzament d'avust 2021 betg pli valitada sco preoccupanta en quests territoris.

Sistem d'annunzia

0

Surveglianza

-
B.1.351 – Beta

Tenor la classificaziun da la WHO vala questa varianta dal virus sco preoccupanta (VOC), perquai ch'ella po chaschunar in grev decurs da la malsogna e perquai ch'ella posseda qualitads immunevasivas. Uschia resulta la ristga d'ina nova infecziun e d'ina eventuala protecziun reducida da la vaccinaziun. Beta è vegnida cumprovada per l'emprima giada il matg 2020 en l'Africa dal Sid. Perquai ch'ella n'ha actualmain nagina influenza sin la situaziun epidemiologica en Svizra ed en il Principadi da Liechtenstein, en quests territoris na vegn ella dapi mez avust 2021 perquai betg pli classifitgada sco varianta preoccupanta.

Sistem d'annunzia

13

Surveglianza

-
B.1.1.7 – Alpha

Tenor la classificaziun da la WHO vala questa varianta dal virus sco preoccupanta (VOC), perquai ch'igl existiva ina ristga da s'infectar pli gronda. Alpha è vegnida cumprovada per l'emprima giada il settember 2020 en la Gronda Britannia. En l'entira Svizra è la varianta Alpha stada la varianta dal virus la pli frequenta da mez favrer fin la fin da zercladur 2021 ed è lura vegnida remplazzada da la varianta Delta. Dapi il matg 2021 na vegn Alpha betg pli classifitgada sco preoccupanta en Svizra ed en il Principadi da Liechtenstein.

Sistem d'annunzia

376

Surveglianza

-
C.37 – Lambda

Tenor la classificaziun da la WHO, en Svizra ed en il Principadi da Liechtenstein vala Lambda sco varianta dal virus d'interess (VOI), perquai ch'ins suppona ch'ella haja qualitads immunevasivas. Uschia exista la ristga d'ina nova infecziun e d'ina eventuala protecziun reducida da la vaccinaziun. Cumprovada per l'emprima giada il december 2020 en il Peru. Actualmain n'ha ella nagina influenza sin la situaziun epidemiologica en Svizra ed en il Principadi da Liechtenstein e na vegn pia betg valitada sco preoccupanta.

Sistem d'annunzia

-

Surveglianza

-
B.1.617.1 – Kappa

Tenor la classificaziun da la WHO, en Svizra ed en il Principadi da Liechtenstein vala Kappa sco varianta dal virus d'interess (VOI), perquai ch'ins supponiva ch'ella haja qualitads immunevasivas. Uschia existiva la ristga d'ina nova infecziun e d'ina eventuala protecziun reducida da la vaccinaziun. Kappa è vegnida cumprovada per l'emprima giada l'october 2020 en l'India. Dapi ils 20 da settember 2021 na vegn ella betg pli classifitgada sco VOI. Actualmain n'ha ella nagina influenza sin la situaziun epidemiologica en Svizra ed en il Principadi da Liechtenstein e na vegn pia betg valitada sco preoccupanta.

Sistem d'annunzia

0

Surveglianza

-
P.2 – Zeta

Tenor la classificaziun da la WHO, en Svizra ed en il Principadi da Liechtenstein valeva Zeta sco varianta dal virus d'interess (VOI), perquai ch'ins supponiva ch'ella avess qualitads immunevasivas. Uschia existiva la ristga d'ina nova infecziun e d'ina eventuala protecziun reducida da la vaccinaziun. Zeta è vegnida cumprovada per l'emprima giada l'avrigl 2020 en Brasilia. Dapi ils 6 da fanadur 2021 na vegn ella betg pli classifitgada sco VOI. Actualmain n'ha ella nagina influenza sin la situaziun epidemiologica en Svizra ed en il Principadi da Liechtenstein e na vegn pia betg valitada sco preoccupanta.

Sistem d'annunzia

0

Surveglianza

-
B.1.525 – Eta

Tenor la classificaziun da la WHO, en Svizra ed en il Principadi da Liechtenstein valeva Eta sco varianta dal virus d'interess (VOI), perquai ch'ins supponiva ch'ella avess qualitads immunevasivas. Uschia existiva la ristga d'ina nova infecziun e d'ina eventuala protecziun reducida da la vaccinaziun. Eta è vegnida cumprovada per l'emprima giada il schaner 2020 en plirs pajais. Dapi ils 20 da settember 2021 na vegn ella betg pli classifitgada sco VOI. Actualmain n'ha ella nagina influenza sin la situaziun epidemiologica en Svizra ed en il Principadi da Liechtenstein e na vegn pia betg valitada sco preoccupanta.

Sistem d'annunzia

0

Surveglianza

-
B.1.526 – Iota

Tenor la classificaziun da la WHO, en Svizra ed en il Principadi da Liechtenstein valeva Iota sco varianta dal virus d'interess (VOI), perquai ch'ins supponiva ch'ella avess qualitads immunevasivas. Uschia existiva la ristga d'ina nova infecziun e d'ina eventuala protecziun reducida da la vaccinaziun. Iota è vegnida cumprovada per l'emprima giada il november 2020 en la USA. Dapi ils 20. da settember 2021 na vegn ella betg pli classifitgada sco VOI. Actualmain n'ha ella nagina influenza sin la situaziun epidemiologica en Svizra ed en il Principadi da Liechtenstein e na vegn pia betg valitada sco preoccupanta.

Sistem d'annunzia

-

Surveglianza

-
B.1.1.7 & E484K

Questa varianta dal virus è d'interess (VOI), damai ch'ins suppona in privel da contagiun augmentà ed ina ristga augmentada d'ina nova infecziun. Ella na cumpara anc betg uschè savens en Svizra ed en il Principadi dal Liechtenstein. Per quest motiv na vegn ella betg classifitgada sco inquietanta.

Sistem d'annunzia

0

Surveglianza

-
B.1.1.318

En Svizra vala B.1.1.318 sco varianta dal virus d'interess (VOI), perquai ch'ins suppona ch'ella haja qualitads immunevasivas. Uschia exista la ristga d'ina nova infecziun e d'ina eventuala protecziun reducida da la vaccinaziun. Cumprovada per l'emprima giada il schaner 2021 en plirs pajais. Actualmain n'ha ella nagina influenza sin la situaziun epidemiologica en Svizra ed en il Principadi da Liechtenstein e na vegn pia betg valitada sco preoccupanta.

Sistem d'annunzia

-

Surveglianza

-
Cundivider
covid19.admin.ch
Funtauna: UFSP (sistem d'annunzia) – Stadi: 19.01.2022, 07.45h
Funtauna: UFSP (surveglianza) – Stadi: 19.01.2022, 08.16h

Svilup temporal

Variantas dal virus cumprovadas, Giura, dals 28.09.2020 fin ils 19.01.2022

La surveglianza sistematica da las variantas dal virus en circulaziun cuntegna in sequenziament sistematic e cumplet dal genom d'ina prova da controlla represchentativa. A maun da las datas po vegnir stimada la quota da las singulas variantas dal virus. Supplementarmain pon vegnir identifitgadas variantas ch'eran fin ussa nunenconuschentas.

La preschentaziun mussa il svilup temporal da la quota approximativa da las variantas dal virus ch'èn cumprovadas en Svizra ed en il Principadi da Liechtenstein. La lingia preschenta la media movibla da 7 dis (media davent da 3 dis avant fin 3 dis suenter). Il diagram a travs mussa il dumber da las provas sequenziadas cumplettamain per di.

Per las singulas variantas selecziunadas èn las valurs dal di cunfinadas cun ina valur superiura ed ina valur inferiura. Quellas represchentan ina probabladad da 95 pertschient.

Datas chantunalas betg disponiblas.

Turnar a la vista Svizra e Liechtenstein
Cundivider
covid19.admin.ch