COVID-⁠19 Svizra

Infurmaziuns davart la situaziun actuala, stadi dals 29 da november 2022

Las cifras-⁠clav vegnan actualisadas mintgamai il mardi a las 15:30.

Curs epidemiologic,Grischun

Variantas dal virus

Il monitoring da variantas en ospitals sa concentrescha sin sequenziar il material da virus da provas da cas ospitalisads. Il sequenziament sistematic e cumplet dal genom viral (gens dal virus) pussibilitescha la cumprova da mutaziuns e l'identificaziun da variantas dal virus. A maun da las datas po vegnir stimada la cumpart da singulas variantas, che sa mussan tar grevs decurs da la malsogna, en spezial tar ospitalisaziuns. Las datas publitgadas qua sa basan sin infurmaziuns dal program naziunal da surveglianza genomica da SARS-⁠CoV-⁠2. Dal program fan part ils labors dals ospitals d'universitad ed ils pli gronds ospitals regiunals sco er labors privats tschernids e plattafurmas da sequenziament. (Program naziunal da surveglianza genomica da SARS-⁠CoV-⁠2 – rapports mensils).
La surveglianza actuala cumpiglia tut las variantas dal virus relevantas sco er sutvariantas, che duain vegnir survegliadas tenor la WHO, perquai ch'ellas demussan in'auta transmissibladad e/u caracteristicas immunevasivas. La preschentaziun vegn adattada cuntinuadamain al stadi da svilup.

Il nov coronavirus (SARS-⁠CoV-⁠2) che chaschuna la malsogna transmissibla COVID-⁠19, sa transfurma cuntinuadamain tras mutaziuns en ses genom (modificaziun dals gens). Cun agid da questas mutaziuns pon vegnir determinadas e classifitgadas variantas dal virus. La gronda part da las mutaziuns han mo consequenzas minimalas u n'ha schizunt naginas consequenzas sin las caracteristicas dal virus.Intginas variantas da SARS-⁠CoV-⁠2 sa caracteriseschan tras transfurmaziuns dals agents patogens che pon influenzar la situaziun epidemiologica per exempel cun esser pli contagiusas, cun chaschunar in decurs pli grev da la malsogna u cun guntgir la resposta immunitara malgrà ina infecziun passentada u malgrà ina vaccinaziun (evasiun immunitara). Per la gronda part da las variantas dal virus enconuschentas exista, en cas d'ina vaccinaziun cumpletta, vinavant ina gronda protecziun cunter grevs decurs da la malsogna. Per singulas variantas n'èn anc betg avant maun enconuschientschas definitivas.

La WHO ha classifitgà singulas variantas sco VOC (variants of concern; rumantsch: variantas preoccupantas) e sco VOI (variants of interest; rumantsch: variantas d'interess). Questas variantas dal virus vegnan observadas spezialmain. En Svizra ed en il Principadi da Liechtenstein po la classificaziun da las variantas dal virus divergiar da quella da la WHO. Expertas ed experts evalueschan regularmain las enconuschientschas las pli novas davart las variantas dal virus enconuschentas e novas e valiteschan l'influenza potenziala da las variantas dal virus en circulaziun sin la situaziun epidemiologica en Svizra ed en il Principadi da Liechtenstein. Da nov po la perioda giavischada vegnir selecziunada cun il reglader sut la grafica.

Svilup temporal da cas ospitalisads

Variantas dal virus cumprovadas, Grischun, dals 04.04.2022 fin ils 20.11.2022

La preschentaziun mussa il svilup temporal da la cumpart stimada da las variantas dal virus cumprovadas sco er da las sutvariantas (sublingias d'ina varianta) en provas da cas ospitalisads en Svizra ed en il Principadi da Liechtenstein. La lingia preschenta la cumpart da las variantas per emna. Il diagram a travs mussa il dumber da las provas sequenziadas cumplettamain per di. Per las singulas variantas tschernidas vegnan las valurs da l'emna ch'èn vegnidas stimadas, illustradas cun ina valur maximala e cun ina valur minimala. Questas valurs limiteschan ina probabilitad da 95 pertschient.

Da nov po la perioda giavischada vegnir selecziunada cun il reglader sut la grafica.

Datas chantunalas betg disponiblas.

Turnar a la vista Svizra e Liechtenstein
Cundivider
covid19.admin.ch
Funtauna: UFSP (surveglianza) – Stadi: 29.11.2022, 10.50h

Svilup temporal

Variantas dal virus cumprovadas, Grischun, dals 28.09.2020 fin ils 03.04.2022

Il monitoring da las variantas dal virus che circuleschan cuntegna il sequenziament dal material da virus ord provas ch'èn vegnidas tschernidas per casualitad. Sin basa da questas datas po vegnir stimada la cumpart da las singulas variantas da virus dals cas confermads tras labors. Supplementarmain pon vegnir identifitgadas variantas ch'eran fin ussa nunenconuschentas. Cun l'aboliziun da la situaziun speziala il 1. d'avrigl 2022 è il monitoring da las variantas vegnì spustà sin cas d'ospitalisaziuns. La preschentaziun mussa il svilup temporal da la quota approximativa da las variantas dal virus ch'èn cumprovadas en Svizra ed en il Principadi da Liechtenstein. La lingia preschenta la media movibla da 7 dis (media davent da 3 dis avant fin 3 dis suenter). Per las singulas variantas selecziunadas èn las valurs dal di cunfinadas cun ina valur superiura ed ina valur inferiura. Quellas represchentan ina probabladad da 95 pertschient.

Da nov po la perioda giavischada vegnir selecziunada cun il reglader sut la grafica.

Datas chantunalas betg disponiblas.

Turnar a la vista Svizra e Liechtenstein
Cundivider
covid19.admin.ch