COVID-19 Svizra
Infurmaziuns davart la situaziun actuala, stadi dals 30 da matg 2023
Las cifras-clav vegnan actualisadas mintgamai il mardi a las 15:30.
Curs epidemiologic,Svizra
Consultaziuns ambulantas cun suspect da COVID
Las datas publitgadas qua sa basan sin infurmaziuns dal sistem d'annunzia Sentinella. Quest sistem d'annunzia serva a survegliar las malsognas acutas transmissiblas sco er a perscrutar la medischina da chasa. Al sistem d'annunzia Sentinella sa participeschan voluntarmain var 160–180 medias e medis che lavuran en il sectur ambulant. Dapi il mars 2020 transmettan els al UFSP infurmaziuns davart emprimas consultaziuns ambulantas da pazientas e pazients cun suspect da COVID-19 en lur pratica da medi u sin visitas a chasa. Sin basa da questas annunzias vegn stimà mintga emna il dumber da talas consultaziuns en Svizra (calculaziun approximativa).
Circa in terz da las medias e dals medis da Sentinella tramettan il sfrusch dal nas e da la gula d'ina part da las pazientas e dals pazients cun suspect da COVID al Center da referenza naziunal per influenza (CNI) per il scleriment diagnostic da labor. Dapi la fin da settember 2020 examinescha il Center da referenza ils sfruschs tant areguard il virus d'influenza sco er areguard SARS-CoV-2, RSV ed ulteriurs virus respiratorics (adenovirus, bocavirus, ulteriurs coronavirus [229E, HKU1, NL63, OC43], metapneumovirus, virus da parainfluenza [1-4] e rinovirus). Sin basa da questas datas vegn stimada mintga emna la repartiziun dals virus respiratorics che circuleschan.
La definiziun dal suspect da COVID è sa midada en il decurs da la pandemia. Sco suspect da COVID valan dapi l'october 2022 tut las malsognas respiratoricas acutas. Quellas èn definidas sco «malsognas acutas che cumenzan cun tuss, mal la gula, respiraziun asmatica u strucca e che derivan d'ina infecziun, tenor la valitaziun medicala». Questa definiziun correspunda a la definiziun da la WHO da la «Acute Respiratory Infection», ch'ella recumonda per la surveglianza Sentinel da COVID-19. Fin la fin da settember 2022 correspundeva il suspect da COVID al suspect clinic tenor l'obligaziun d'annunzia. En il sistem d'annunzia Sentinella è l'emna d'annunzia l'emna da l'emprima consultaziun. L'emna d'annunzia dura da la sonda da l'emna precedenta fin il venderdi.
La perioda giavischada po vegnir selecziunada cun il reglader sut la grafica.
Svilup temporal da las consultaziuns
Consultaziuns ambulantas, Svizra, dals 21.03.2020 fin ils 19.05.2023
Svilup temporal da la repartiziun dals virus
Virus respiratorics cumprovads, Svizra, dals 26.09.2020 fin ils 19.05.2023